திருவள்ளுவர் என்னும் புலவரின் வாழ்வு

நான் இரண்டாம் வகுப்பு படித்த காலத்தில்  திருவள்ளுவரை பற்றி ஒரு பாடம் இருக்கும். திருவள்ளுவர் எங்கே பிறந்தார் என்று துல்லியமாக தெரியவில்லை என்று சொல்லி  ஒரு நான்கு, ஐந்து ஊர்களை சொல்லி அவைகளில் ஏதோ ஒரு ஊரில் அவர் பிறந்து இருக்க வேண்டும் என்று சொல்லி இருப்பார்கள். இப்படி திருவள்ளுவரை பற்றி துல்லியமாக எதுவும் தெரியாதது பலருக்கு வசதியாக இருக்கிறது என்று அப்போது நான் அறிந்திருக்கவில்லை. அப்போது  தொடங்கி பன்னிரண்டாம் வகுப்பு வரை திருவள்ளுவரை பற்றியும், திருக்குறளையும் கற்று கொடுக்காத வகுப்பே இல்லை.

உண்மையில் அப்போது திருக்குறளை மனனம் செய்வது கடினமான காரயமாக இருந்தது. அதிலும் ஒரு வார்த்தையை கொடுத்து அதில் தொடங்கும் குறளை எழுது என்று கேட்பார்கள். அதை கூட எழுதி விடலாம். ஆனால் ஒரு வார்த்தை கொடுத்து அதில் முடியும் குறளை எழுத சொல்லுவார்கள். அது சற்று கடினமான விஷயம். பாட புத்தகத்தில் உள்ள அனைத்து குறள்களையும் பிசிறு இன்றி படித்து இருந்தால்தான் அது சாத்தியம். அப்போதெல்லாம்   திருவள்ளுவரை பற்றி நினைத்தால் எரிச்சலாக வரும். யாருய்யா இந்த ஆள்? அவர் பாட்டுக்கு எதையோ எழுதி விட்டு போய் விட்டார், இப்போது நாம் கஷ்டப்பட வேண்டியுள்ளது என சலித்து கொள்வேன்.

அதே திருவள்ளுவரை பற்றி இப்போது நினைத்தால் பிரமிப்பாக உள்ளது. ஒரு பதிவு எழுதுவதே மிக சிரமமாக உள்ளது. அப்படியே எழுதினாலும் அதில் அத்தனை பிழைகள். ஆனால் திருவள்ளுவரை பாருங்கள். ஆயிரத்து முன்னூற்று முப்பது குறள்களை எழுதி இருக்கிறார். அதுவும் கடினமான இலக்கிய வடிவமான குறள் வெண்பா வடிவில். அத்தனை பாடல்களையும் அசை, சீர், தளை எல்லாம் தட்டாமல் இலக்கணப்படி எழுத வேண்டுமானால் எத்தனை புத்திசாலியாக இருக்க வேண்டும்? அதுவும் ஒவ்வொரு குறளிலும் இருக்கும் கருத்துகள் என்ன சாதாரணமானதா? அவற்றை எழுத எத்தனை அனுபவமும், சிந்தனையும் தேவை. அத்தனை புத்திசாலித்தனத்துக்கு ஒரு வேளை அவர் இப்போது பிறந்து இருந்தால் எளிதாக அமெரிக்க விசா பெற்று அமெரிக்காவில்  ஆராய்ச்சி செய்ய சென்று இருப்பார்.

என்னதான் புத்திசாலித்தனம் இருந்து இருந்தாலும் திருக்குறளை எழுதுவது அவருக்கு எளிதான காரியமாக இருந்து இருக்காது. புலமையும், வறுமையும் பிரிக்க முடியாதது என்பதால் வள்ளுவர் பெரும் செல்வந்தராக இருந்திருக்க  வாய்ப்பில்லை. அவர் பனை ஓலையை எடுத்து ஒவ்வொரு  எழுத்தாக செதுக்கி கொண்டிருந்தபோது வாசுகி “என்ன இவர்? பக்கத்து வீட்டு ஆண்களெல்லாம் சுறுசுறுப்பாக வேலைக்கு செல்லும்போது இவர்  மட்டும் எதையோ எழுதி கொண்டுள்ளார்?” என்று நினைத்து இருக்கலாம். திருவள்ளுவர் எழுதியதை வாசுகி வாசித்து இருந்தால் அதுவே பெரிய விசயம்தான். என்னதான் கணவன் சொல்லை மீறாமல் சொன்ன சொல்லுக்கு உடனே ஓடி வருபவராக  இருந்திருந்தாலும் வாசுகியும் ஒரு பெண்தானே? இதையும் வள்ளுவர் சமாளித்து இருக்க வேண்டும்.

அத்தனை குறள்களையும் எழுத அவருக்கு சில  ஆண்டுகள் பிடித்து இருக்கலாம். அத்தனை ஆண்டுகளுக்கும் அவரை ஸ்பான்சர் செய்ய ஏதாவது ஒரு மன்னரை பிடிக்க வேண்டி இருந்து இருக்கும். அந்த இடைப்பட்ட காலத்தில் ஸ்பான்சர் செய்த மன்னர் போரில் எதுவும் தோற்று விட்டால் வேறு மன்னரிடம் ஸ்பான்சர்ஷிப் கேட்டு செல்ல வேண்டியதாக இருந்து இருக்கும். இது அவருக்கு பெரிய பிரச்சனையாக இருந்து இருக்கும்.

வள்ளுவர் திருக்குறளை மதுரையில் அரங்கேற்றம் செய்ததாக வேறு சொல்லுவார்கள். ஒரு வேளை அவர் பிறந்தது மைலாப்பூர் என்று வைத்து கொண்டால் மதுரைக்கு செல்ல எத்தனை கஷ்டப்பட்டு இருப்பார்? இன்றைக்கே சென்னையிருந்து, மதுரைக்கு செல்வது பெரும்பாடாக உள்ளது. தேசிய நெடுஞ்சாலையும், ரயில்வே ட்ராக்கும் இல்லாத காலத்தில் அவர் மதுரை செல்ல எத்தனை பேரிடம் வழி விசாரித்து இருக்க வேண்டும். வண்டலூரை வந்து சேர்வதற்குள்ளாகவே பெரும்பாடாக இருந்து இருக்கும்.

இதென்ன அர்த்தமில்லாமல் என்னென்னவோ சொல்லி கொண்டுள்ளேன் என்கிறீர்களா? சமீபத்தில் சந்தித்த ஒரு பெரியவர் திருவள்ளுவர் ஒரு கிறிஸ்தவர்தான் என்று சாதித்தார். அதற்கு லாஜிக்கே இல்லாமல் ஒரு விளக்கம் வேறு கொடுத்தார். அவரை சொல்லி குற்றமில்லை. யாரோ சொல்லி கொடுத்ததை இவர் மற்றவர்களுக்கு சொல்கிறார். திருவள்ளுவர் சொன்ன கருத்துகளை எல்லாம் மறந்து விட்டு இப்படி சம்பந்தமில்லாமல் அவரை மதம் மாற்றுகிறார்களே? நாமும் அவர்கள்  போல திருவள்ளுவர் பற்றி ஆராய்ச்சி செய்தால் என்ன என்று முயற்சி செய்து பார்த்தேன். அவ்வளவுதான்.

மதமாற்றம் தேசிய அபாயமா ?

 தன் மதத்தின் மேல் உண்மையான நம்பிக்கை கொண்ட எவனும் தன் மதத்தை விட்டு கொடுக்க மாட்டான். தனது  மதம் அழிந்து போகுமோ என்ற பயத்தில் அதை மற்றவர் மீது திணிக்கவும் மாட்டான். 

உலகின் மிக பெரிய மல்டி-லெவல் மார்கெடிங் நிறுவனம் எது? ஆம்வே என்று நீங்கள் நினைத்தால் அது தவறு. ஆம்வேவை விட பெரிய பழமையான ஒரு   அமைப்பு உள்ளது. அதுதான் கிருஸ்தவ மதம். நான் உன்னை மதம் மாற்றுவேன், நீ இரண்டு பேரை மதம் மாற்று. இறுதியில் உலகம் முழுதும் நாம் மட்டுமே இருப்போம் என்ற அடிப்படையில் உலகம் முழுவதும் பரவி செழித்து இருக்கிறது.  

ஆனால் இந்தியாவை  பொறுத்தவரை பல ஆண்டுகளாய் முயன்றும் கிருஸ்தத்தால் பெரிய வெற்றி ஏதும் பெற இயலவில்லை. கடலோர மக்களை மதம் மாற்றிய அளவு மற்ற மக்களை மதம் மாற்ற அவர்களால் இயலவில்லை. வெளியே இருந்து வரும் ஆன்மிக கருத்துகளை விட பல மடங்கு ஆழ்ந்த கருத்துகளை இந்தியா தன்னிடத்தே கொண்டிருப்பதும் இதற்கு காரணம். இருந்த போதும் மத மாற்ற முயற்சிகள் தொடர்ந்து கொண்டேதான் இருக்கின்றன. அந்த முயற்சிகளில் கையாளப்படும் முறைகளில் சில கீழே.

முறை 1:

 

ஆரம்ப காலத்தில் ஆன்மிக கருத்துகளை பரப்பி வந்தவர்கள். பின் ஆன்மிக கருத்துகளை கொண்டு மக்களை கவர முடியாது என உணர்ந்தனர். அப்போது அவர்கள் எடுத்த ஆயுதம் ஜாதி. இந்து மதத்தில் ஜாதியம் இருப்பதாக கூறியும் அதில் இருந்து விடுபட  வேண்டுமானால் கிருஸ்துவமே வழி என்று கூறியும் மக்களை ஈர்த்தனர். ஆனால் நடந்ததோ வேறு. மதம் மாறியவர்கள் ஜாதியை விட தயாராக இல்லை. கிருஸ்தவ நாடார், கிருஸ்தவ முதலியார், கிருஸ்தவ செட்டியார் என்று ஜாதியை கிருஸ்தத்தோடு சேர்த்தனர். மதத்தை விட்டாலும் மக்கள் ஜாதியை விட மாட்டார்கள் என்று அனைவருக்கும் புரிய ஆரம்பித்தது.

 முறை 2:

மதம் மாற்றுபவர்களின் மற்றொரு ஆயுதம்  "நிம்மதி ". மனிதனுக்கு ஏன் கடவுள் தேவை? பெரும்பாலான மனிதர்கள் கடவுளை நாடுவது மோட்சம் பெறவோ ஞானம் அடையவோ அல்ல. அவனுக்கு தேவை நிம்மதி, ஆறுதல் மற்றும் வாழ்க்கையில் வெற்றி. வாழ்கையில் நிம்மதி இல்லாத ஒருவனிடம் சென்று நீ தேவனிடம் நிம்மதி காண்பாய் என்று கூறினால் அவன் அதை முயற்சி செய்ய எண்ணுவான். அவனை மதம் மாற்றுவது எளிது. இப்படிபட்டவனுக்கு ஆறுதல் வார்த்தைகள் கூறி  உளவியல் ரீதியாக அவனை வசியம் செய்தனர். தங்கள் முயற்சியில் பெரும்  வெற்றியும் கண்டனர். ஆனால் இந்த முறையில் பிரச்சினை என்னவெனில் பெரும்பாலும் வயதானவர்களும் , ஆதரவற்ற பெண்களுமே இந்த முறையில் மதம் மாறினார். எனவே அவர்கள் காலத்திற்கு பின் மதத்தை அடுத்த கட்டத்திற்கு எடுத்து செல்ல முடியவில்லை. மேலும் மதம் மாறிய பின்னரும் அவர்களை அதிகம் சிந்திக்க விடாமல் தொடர்ந்து  மூளை சலவை செய்ய வேண்டியது  அவசியம்.

 முறை 3:

இவர்களின் மற்றொரு முறை பொருளாதார ரீதியில்  உதவி செய்து மதம் மாற்றுவது. ஆனால் இப்படி மதம் மாறுபவர்களின் தேவ விசுவாசம் கேள்விகுறி. எனவே இந்த முறையும் பெரிய அளவில் கை கொடுக்கவில்லை. மதம் மாறுபவர்கள் மீண்டும் மதத்தை கை விட வாய்ப்பு அதிகம்.

புதிய முறை:

 இப்படி எந்த முறையும்  இந்தியாவில் உதவவில்லை என்றதும் அவர்கள் ஒரு புதிய முறையை கையில் எடுத்துள்ளனர்.   இந்த முறையில்  அவர்கள் கிருஸ்துவத்திற்கு இந்திய முலாம் பூச முயற்சி செய்கின்றனர். காவி உடை அணிந்து மத மாற்றம் செய்வது, காவடி எடுத்து சர்ச்சுக்கு போவது, திருவள்ளுவர் ஒரு கிறிஸ்தவர் என பிரசாரம் செய்வது என்பது அனைத்தும் இந்த முறையே. இதன் மூலம் கிறிஸ்தவத்தை மக்களிடம் எளிதில் கொண்டு சேர்க்கலாம் என்று கருதுகின்றனர். ஆனால் இந்த முறையில் ஆபத்து என்னவெனில் இந்து மதம் எதையும் தம்முள் கரைத்து கொள்ள கூடியது. காலப் போக்கில் இந்து புராணங்களில் ஏசுநாதர் சேர்க்கப் பட்டு கோவில்களில் அவருக்கு ஒரு இடம் ஒதுக்கப்பட கூடிய அபாயம் உண்டு. மெழுகுவர்த்திக்கு பதில் தீபம் ஏற்றி அவரை வழிபடபோகும் காலம் வரலாம்.

மதமாற்றம்  தேசிய அபாயமா ?

 பல மொழி, இன, கலாசார நம்பிக்கைகள் கொண்ட இந்த நாட்டில் மக்களை ஒருங்கிணைப்பது மதம் மட்டுமே. இந்துக்களின் எண்ணிக்கை குறைவது நிச்சயம் தேசத்திற்கு ஆபத்தே. மக்களிடையே விழிப்புணர்வு இல்லாததே பெரும்பாலான மத மாற்ற முயற்சிகள் வெற்றி பெற காரணம். இந்த மத மாற்ற முயற்சிகள் எந்த காலத்திலும் முழு  வெற்றி அடைய கூடாது என  எல்லாம் வல்ல கர்த்தரை  வேண்டி கொள்கிறேன்.

விமர்சனங்கள் வரவேற்கப்படுகின்றன. எனக்கு எந்த மதத்தின் மீதும் வெறுப்பு இல்லை. மத மாற்றம் செய்யும் நோக்கில் சிலர் என்னை அணுகியுள்ளனர் . அவர்கள் கூறிய கருத்துகளே இந்த பதிவுக்கு காரணம்.