ஆதிபகவன் பாத்துட்டேன் !

 முன்குறிப்பு: இது முழுக்க முழுக்க படம் பற்றிய என் பார்வையே. எனக்கு எந்த சினிமா நுணுக்கமும் தெரியாது. படத்தை நான் எப்படி புரிந்து கொண்டேனோ அதையே எழுதுகிறேன்.

"சுதா! ஆதிபகவன் படம் பாக்க போறேன்னியே. பாத்துடியா?"

"பாத்துட்டேன்டா"

"அடி பாவி! 'A' படம் வந்த முதல் நாளே போய் பாத்துடுவ போல"

"டாய்! படம் டைட்டில்லயும் சென்சர் செர்டிபிகேட்லயும் தன் 'A இருக்கு. ஒரு சீன்ல கூட 'A' இல்ல. 10 வயசு பையன் நெட்ல  பலான படம் பாக்குற காலத்துல இதுக்கு ஏன் 'A ' னு புரியல "

"வயலன்ஸ் ஜாஸ்தின்னு 'A' குடுத்து இருப்பாங்கடி"

"பாஸ்! இது வயலன்ஸ்னா  விஸ்வரூபம் படத்தை என்னனு சொல்றது"

"சரி படம் எப்புடி இருந்துச்சு சொல்லு"

"நீ எப்பவாச்சும் யோசிச்சு இருக்கியாடா? பாட்ஷால கமலும்   மகாநதில  ரஜினியும் நடிச்சு இருந்தா எப்புடி இருக்கும்னு?"

"இதுல யோசிக்க என்ன இருக்கு? நல்லாவே இருந்து இருக்காது."

"அதேதான் இதுலயும். ரவிக்கு ரோல் கொஞ்சமும் செட் ஆகல. நல்ல நடிகர் தான். கஷ்டபட்டு நடிச்சும் இருக்கார் ஆனா ஸ்டைலிஷா நடிக்க வரல அவருக்கு. ஆனா படம் பில்லா மாதிரி ஸ்டைலிஷா ட்ரை பண்ணி இருக்காங்க. சுத்தமா மேட்ச் ஆகல."

"ஹ்ம்ம். கதை என்ன."

"சும்மாவே படம் முழுசும்  guess பண்ற மாதிரி சீன்தான். இதுல கதையையும் சொல்லிட்ட அவ்ளோதான். ஆனா படம் கொஞ்சம் சமர் படத்தை நியாபக  படுத்துது "

"அப்புறம்"

"என்ன  நீத்து பத்தி சொல்லணுமா?"

"ஆமா. அதானே முக்கியம். நல்ல அழகுல அந்த பொண்ணு"

"நீ பொம்பள கழுதையை பாத்தாலும் அழகா இருக்குனு சொல்றவனாச்சே. நல்ல கேரக்டர் கெடச்சு இருக்கு  அந்த பொண்ணுக்கு. கஷ்டப்பட்டு செஞ்சு இருக்கு. குறை சொல்ல முடியாது. ஆனாலும்  என்ன யூஸ்"

"பாட்டுக்கெல்லாம் நல்ல ஆடி இருக்கா? கன்னி தீவு பொண்ணா மாதிரி"

" பாட்டேல்லாம் ரொம்ப சுமார் .பாட்டுவரப்ப எல்லாம் முன் சீட்டு பையன பாத்துட்டு இருந்தேன் . பின்னணி இசை  நல்லா இருக்குது  பெரிய பில்ட்-அப் எல்லாம் குடுக்குது. ஆனா முன்னாடி ஓடுற சீன் எல்லாம் பத்தல.  அமீர் அதிரடி ஆக்சன் படம் குடுக்க பாத்து இருக்கார். விறுவிறுப்பா இருக்கும்னு நெனச்சு சீன் வச்சி இருக்கார். ஆனா எதிர் பாத்த மாதிரி வரல. பருத்தி வீரன் குடுத்த டைரக்டர் கிட்ட இருந்து இந்த மாதிரி ஒரு படம் வரும்னு எதிர் பார்க்கல"

 "அப்பிடினா படம் குப்பையா?"

"சே சே. அப்பிடி இல்ல. ரொம்ப மோசம்னும் சொல்ல முடியாது. ஒரு வேலை அஜித் நடிச்சு இருந்தா பெரிய ஹிட் ஆகியும் இருக்கலாம் "

 "சரி சுதா! நான் உத்தரவு வாங்கிகிறேன்"

"எங்க போற? ஆதிபகவன் பாக்கவா?"

"இல்ல. படம் மெதுவா பாத்துக்குறேன். இபோ வேற வேலை இருக்கு. bye"

"bye "


 விமர்சனங்கள் வரவேற்கப்படுகின்றன.